Выстава карцін сучасных армянскіх мастакоў праходзіць у Нацыянальным мастацкім музеі

Армянская палітра - упершыню ў беларускай культурнай прасторы. У Нацыянальным мастацкім музеі да 25-годдзя ўсталявання дыпламатычных адносін паміж краінамі праходзіць выстава карцін сучасных армянскіх мастакоў. У экспазіцыі – больш за паўсотні жывапісных і графічных прац ад чатырох майстроў Саюза мастакоў, некаторых з іх выстаўлялі на Венецыянскім біенале.

На прэзентацыі прайшло ўрачыстае гашэнне паштовай маркі з малюнкам карціны армянскага мастака Фараона Мірзаяна. Убачыць працы майстроў пэндзля Закаўказзя можна да 6 лістапада.