Выстава, прысвечаная Галіне Уланавай, адкрылася ў Мінску

Убачыць балет можна не толькі у тэатры. Выстава, прысвечаная вялікай балерыне Галіне Уланавай, адкрылася ў мастацкай галерэі Савіцкага. Творы жывапісу, графікі і скульптуры расказваюць мовай выяўленчага мастацтва пра легенду балета ХХ стагоддзя. Каля сямідзесяці твораў прывезлі з Расіі. Большую частку з іх стварыў мастак з Пецярбурга Васіль Братанюк, які асабіста быў знаёмы са многімі артыстамі савецкага балета.

Многія творы напісаны расійскімі аўтарамі спецыяльна для гэтага праекта. Сярод іх толькі адзін мастак з Беларусі - мінчанка Лідзія Яцукевіч. Убачыць выставу можна да 30 верасня.