Выстава "Рамёствы беларускай зямлі" праходзіць у Дзяржынскай цэнтральнай раённай бібліятэцы

Ганчарства, ткацтва, шапавальства, кавальская справа - традыцыйныя народныя промыслы экспануюцца на выставе "Рамёствы беларускай зямлі".

Экспазіцыя размясцілася ў Дзяржынскай цэнтральнай раённай бібліятэцы ў рамках праекта "Тэрыторыя творчасці". Свае работы перадалі ўдзельнікі народнай студыі "Локан" Цэнтра творчасці дзяцей і моладзі Дзяржынскага раёна.

Студыя даўно супрацоўнічае з бібліятэкай: тут ладзяць тэматычныя выставы да розных свят, падтрымліваюць нацыянальную тэматыку, ілюструюць мастацкую літаратуру.