XIII Міжнародны фестываль Юрыя Башмета адкрываецца ў Белдзяржфілармоніі

Музычны форум стартуе канцэртам зорнага тандэма: народны артыст Расіі Юрый Башмет, камерны ансамбль "Салісты Масквы" і выбітны скрыпач свету Вадзім Рэпін. Саліст сыграе на адным з самых дарагіх інструментаў - скрыпцы Страдывары 1733 года. Упершыню прагучыць твор беларускага кампазітара "Ландшафты знікаючай памяці".

Сярод арыгінальных праектаў, якія сёлета прапаноўвае фестываль, - пастаноўка з удзелам Уладзіміра Познера, Андрэя Макарэвіча і Дзмітрыя Сіткавецкага; музычны праект з удзелам гімнасткі Кацярыны Галкінай і начны канцэрт у метро.