Юбілей сёння адзначае Ігар Касталеўскі

Знакамітаму расійскаму акцёру спаўняецца 70 гадоў. Свае віншаванні накіраваў Прэзідэнт Беларусі. "Яркім талентам, запамінальнымі характарнымі ролямі ў кіно і на тэатральнай сцэне Вы па праве заслужылі ўсенародную любоў", - адзначыў Аляксандр Лукашэнка.

Кар'ера Касталеўскага пачалася ў тэатры. Прычым, ролі там яму даставаліся не галоўныя. А калі пачаў здымацца ў кіно, на многія гады зарэкамендаваў сябе як рамантычны герой. Славу прынесла роля дзекабрыста Івана Аненкава ў фільме "Зорка чароўнага шчасця", а таксама карціны "Безыменная зорка", "Тэгеран-43". Усяго яго фільмаграфія налічвае больш за паўсотні фільмаў.