Злата Ларчанка - пераможніца Нацыянальнага конкурсу маладых выканаўцаў беларускай эстраднай песні

Пераможніцай Нацыянальнага конкурсу маладых выканаўцаў беларускай эстраднай песні стала 19-гадовая Злата Ларчанка. Студэнтка сталічнага каледжа мастацтваў прадстаўляла Мінскую вобласць. Родам яна з Дзяржынска. У дзяўчыны багаты конкурсны вопыт. У 2009 яна была сярод фіналістаў адбору на дзіцячы конкурс песні "Еўрабачанне". Вакалістка стала лаўрэатам першай ступені. Гран-пры імя Уладзіміра Мулявіна сёлета не прысуджаўся. Усяго за галоўны прыз змагаліся 20 маладых артыстаў ад 16 да 31 года. Усе канкурсанты выканалі песні айчынных аўтараў на беларускай мове.

18-ы музычна-паэтычны форум прысвяцілі Году малой радзімы. А канцэрт-адкрыццё - юбілею народнага артыста СССР і Беларусі Ігара Лучанка. Напярэдадні ў Летнім амфітэатры гучалі хіты на ўсе часы: "Спадчына", "Мой родны кут", "Зачараваная" - у жывым выкананні салістаў Нацыянальнага акадэмічнага канцэртнага аркестра Беларусі пад кіраваннем Міхаіла Фінберга. Сёння фестывальная праграма працягнецца.