Турчын лічыць неабходным пашырыць прамысловую кааперацыю ў СНД

На прасторы СНД неабходна засяродзіць намаганні на пашырэнні прамысловай кааперацыі краін-удзельніц. Пазіцыю і погляд Беларусі на развіццё інтэграцыі акрэсліў прэм'ер-міністр. 5 чэрвеня ў Душанбэ прайшло пасяджэнне кіраўнікоў урадаў Садружнасці. Краіны робяць стаўку на далейшае пашырэнне ўзаемадзеяння і пацвярджаюць узмацненне супрацоўніцтва. Гэта не толькі ўмацаванне кааперацыі, але і павышэнне ўзроўню лакалізацыі прадукцыі. У СНД расце колькасць буйных кааперацыйных праектаў. Аднак гэтага недастаткова. Па выніках пасяджэння падпісана пагадненне па развіцці кааперацыйных сувязяў у галіне цяжкага машынабудавання. Яно служыць стварэнню максімальна спрыяльных умоў для росту бізнесу ў гэтай сферы, спрыяе ўмацаванню эканамічных пазіцый рэгіёна ў цэлым.

Па выніках пасяджэння кіраўнікоў урадаў СНД таксама адобрана развіццё кааперацыі ў лёгкай прамысловасці. Прыняты рашэнні ў сферы аховы здароўя. Яны скіраваны на паляпшэнне якасці медабслугоўвання грамадзян краін СНД, у прыватнасці, развіццё тэлемедыцыны, правядзенне сумесных даследаванняў, абмен вопытам. Абмяркоўваліся і пытанні турызму. Цікавасць да рэгіёна расце. Гэта павышае попыт на стварэнне турыстычных маршрутаў па шэрагу краін Садружнасці.