Прэзідэнт падпісаў указ аб кантрольнай дзейнасці

Прэзідэнт зацвердзіў навацыі ў кантрольнай дзейнасці. Падпісаны ўказ дапрацаваны ў адпаведнасці з даручэннямі кіраўніка дзяржавы.

Дакумент накіраваны на тое, каб спрасціць працу як кантралёраў, так і суб'ектаў гаспадарання, якія правяраюцца, і зняць лішнюю нагрузку на эканоміку. Зараз тыя, хто правярае, і тыя, каго правяраюць, знаходзяцца ў аднолькавым прававым статусе. Маніторынг і праверкі будуць праходзіць больш зразумела і празрыста. Ва ўказе дакладна прапісаны ўсе патрабаванні як для кантралюючых і наглядных ведамстваў, так і для кіраўнікоў. Дакладна вызначаны парадак і ўмовы іх правядзення.

Паводле звестак Камітэта дзяржкантролю, з 2020 года колькасць кантрольных мерапрыемстваў у краіне паменшылася ўдвая. Праца зрушылася ў бок прафілактыкі. Пры гэтым застаюцца жорсткія патрабаванні прытрымлівання законаў.