19 тур чэмпіянату Беларусі па футболе стартуе 23 жніўня

19 тур чэмпіянату Беларусі па футболе стартуе сёння ў Слуцку. Мясцовы аднайменны клуб прыме "Віцебск". Гаспадары атрымалі 5 перамог запар і падняліся ў турнірнай табліцы на 8 месца - 25 балаў у актыве. У віцяблян жа на 5 балаў больш і 5 радок у табелі. У матчы першага круга ў красавіку дружына Аляксандра Паўлава была мацнейшай 2:0.

Ці здолеюць "цукарнікі" ўзяць рэванш і працягнуць сваю пераможную серыю, даведаемся з прамой трансляцыі на тэлеканале "Беларусь 5", пачатак у 17:55.