8-мы тур чэмпіянату Беларусі па футболе завершыцца 12 мая

Праграма 8-га тура чэмпіянату краіны па футболе завершыцца ў нядзелю, 12 мая, адразу трыма матчамі.

Адкрые футбольны дзень паядынак у Маладзечне, дзе "Іслач" згуляе супраць дзеючага трыумфатара першынства - "Дынама-Мінска". Стартавы свісток сустрэчы прагучыць а 16-й гадзіне.

Дзвюма гадзінамі пазней "Тарпеда-БелАЗ" пастараецца прадоўжыць сваю бяспройгрышную серыю да чатырох матчаў і дома перамагчы наваполацкі "Нафтан".

А напрыканцы дня лідар турнірнай табліцы - мазырская "Славія" - пры родных трыбунах сустрэнецца з гродзенскім "Нёманам", пачатак а 8-й гадзіне вечара.

Прамую трансляцыю матчаў у Жодзіне і Мазыры глядзіце на тэлеканале "Беларусь 5".