Аляксандра Сасновіч праводзіць лепшы Уімблдон у кар'еры

І зноў нас радуюць поспехі на тэнісных кортах Лондана. Аляксандра Сасновіч атрымала перамогу ў трэцім крузе турніру Вялікага шлема Уімблдон. Беларуска супрацьстаяла 25-ай ракетцы свету - аўстралійцы Дар'і Гаўрылавай. 6:3 у першым сэце і ўсяго адзін аддадзены гейм у другім. Каб выйсці ў наступны раўнд, Аляксандры спатрэбілася крыху больш за гадзіну.

Ужо ў панядзелак у абноўленым рэйтынгу WТА Сасновіч паднімецца як мінімум на 39-ае месца. Гэта найвышэйшая пазіцыя ў кар'еры для беларускай тэнісісткі.