Арына Сабаленка сёння згуляе з полькай Магдай Лінет

Арына Сабаленка ў матчы за выхад у чвэрцьфінал тэніснага турніру ў Цяньцзіне, прызавы фонд якога крыху большы за 600 тысяч долараў, сёння згуляе з полькай Магдай Лінет. Саперніца беларускі - 84-я ракетка свету, раней дзяўчыны паміж сабою не сустракаліся.

Нагадаем, WTA ўключыла Арыну Сабаленку ў шорт-ліст прэтэндэнтак на тытул "Адкрыццё года". Канкурэнткі беларускі - амерыканкі Аманда Анісімава, Даніэль Колінз і Соф'я Кенін, а таксама румынка Міхаэла Бузарнеску. Галасаванне на сайце WTA завершыцца 12 кастрычніка.