Арына Сабаленка згуляе ў фінале тэніснага турніру ў Мадрыдзе з Эшлі Барці

Арына Сабаленка і Эшлі Барці, як і двума тыднямі раней, сыдуцца ў барацьбе за тытул пераможцы тэніснага турніру. На гэты раз падзеі разгортваюцца ў Мадрыдзе, куды дзяўчаты пераехалі са Штутгарта. Фінальны паядынак пачнецца ў 19:30. Прамую трансляцыю будзе весці "Беларусь 5". Што ж датычыцца асабістага супрацьстаяння, з сямі згуляных паядынкаў за Арынай засталося тры. У абноўленым рэйтынгу WTA Сабаленка як мінімум паднімецца на 5 радок. А ў выпадку перамогі стане 4-й ракеткай свету.