Арына Сабаленка - першая паўфіналістка выніковага турніру WTA

Арына Сабаленка - першая паўфіналістка выніковага турніру WTA ў Эр-Рыядзе.

Лідар сусветнага рэйтынгу выйграла другі матч на прэстыжных спаборніцтвах у Саудаўскай Аравіі. Саперніцай Арыны была чацвёртая ў планетарным табелі італьянка Ясмін Пааліні. Першую партыю Сабаленка ўзяла ўпэўнена - 6:3. Другі ж сэт выйшаў больш напружаным, але таксама застаўся за беларускай тэнісісткай - 7:5.

Сабаленка такім чынам гарантавала сабе не толькі выхад у паўфінал, але і першае месца ў фіялетавай групе. У паўфінале яна сустрэнецца з другой тэнісісткай аранжавага квартэта.

У заключным матчы групавога этапу 6 лістапада Арына згуляе з Аленай Рыбакінай, якая пазбавілася шанцаў на плэй-оф. У выпадку поспеху ў гэтым паядынку Сабаленка забяспечыць сабе першае месца рэйтынгу WTA па выніках сезона.