Арына Сабаленка рыхтуецца да фіналу Australian Open у Мельбурне

Арына Сабаленка рыхтуецца да фіналу Australian Open. У 11:30 26 студзеня беларуска выйдзе на корт у Мельбурне і пачне барацьбу за трэці тытул запар на "Зялёным кантыненце".

У саперніцах у мінчанкі амерыканка Мэдзісан Кіз. Для восьмай ракеткі свету гэта будзе толькі другі вырашальны матч на турнірах серыі "Вялікага шлема" ў кар'еры. Першы адбыўся ў рамках US Open сем гадоў назад. У вочных супрацьстаяннях дзяўчыны перасякаліся пяць разоў. І ў чатырох выпадках поспех святкавала Сабаленка (гл. у відэа).