Байдарачнік Кравец заваяваў золата на чэмпіянаце Еўропы на дыстанцыі 1000 м

Беларускія спартсмены трымаюць высокі ўзровень.

На чэмпіянаце Еўропы па веславанні на байдарках і каноэ, які праходзіць у Партугаліі, пачаўся розыгрыш медалёў. І ў першым жа вырашальным заездзе Уладзіслаў Кравец заваяваў золата. Не было роўных ураджэнцу Пінска на "каралеўскай" дыстанцыі ў байдарцы-адзіночцы на 1000 метраў.

Чакаем і далей добрых вынікаў ад нашай флатыліі. Па выніках кваліфікацыі беларусы гарантавалі сабе 19 фіналаў.