Беларуска першая! Лёгкаатлетка Вольга Немагай перамагла ў марафоне ў Кітаі

Беларуска Вольга Немагай стала пераможніцай міжнароднага старту Quzhou Marathon у кітайскім Цюйчжоу, паведамляе БЕЛТА са спасылкай на прэс-службу Беларускай федэрацыі лёгкай атлетыкі.

Немагай атрымала перамогу ў марафоне, які ўваходзіць у каляндар World Athletics Label Road Races.

Наша спартсменка паказала вынік 2 гадзіны 41 хв. 48 сек., апярэдзіўшы сярэбраную медалістку Лею Чэрута з Кеніі больш чым на дзве з паловай хвіліны.

Для Вольгі Немагай гэты афіцыйны старт на марафонскай дыстанцыі 42,195 км стаў усяго другім у кар'еры, у гэтай дысцыпліне беларуска дэбютавала ў маі на Казанскім марафоне.