Беларуская тэнісістка Арына Сабаленка стала пераможніцай Адкрытага чэмпіянату ЗША - 2024

Тэнісістка Арына Сабаленка перамагла ў фінале турніру серыі Вялікага шлема - Адкрытага чэмпіянату ЗША ў Нью-Ёрку,паведамляеБЕЛТА.

У вырашальным паядынку чэмпіянату другая ракетка свету адолела амерыканку Джэсіку Пегулу - 7:5, 7:5.

Раней Сабаленка перамагла на Адкрытым чэмпіянаце Аўстраліі (2023, 2024), а ў фінале US Open - 2023 яна саступіла амерыканцы Коры Гауф.

На шляху да вырашальнага матча сёння 26-гадовая беларуска адолела аўстралійку Прысцылу Хон (203-ці нумар рэйтынгу WTA), італьянку Лючыю Бранцэці (76), расіянку Кацярыну Аляксандраву (31), бельгійку Элізэ Мертэнс (35), кітаянку Сінвэнь Жэн (7) і амерыканку Эму Навара (12).