Беларускія гандбалісты саступілі аднагодкам з Македоніі

Беларускія гандбалісты не змаглі прабіцца ў элітны дывізіён чэмпіянату Еўропы сярод гульцоў ва ўзросце да 20 гадоў. У фінале ў дывізіёне В наша каманда саступіла аднагодкам з Македоніі 23:29. Адзначым, самым каштоўным гульцом чэмпіянату быў прызнаны левы паўсярэдні Артур Рудзь, яшчэ два гульцы - Юліян Гірык і Мікалай Алёхін - увайшлі ў сімвалічную зборную турніру.