Беларускія паралімпійцы гатовы выступаць на міжнароднай арэне

Вынікі, паказаныя беларускімі паралімпійцамі на адкрытым чэмпіянаце краіны па лёгкай атлетыцы, будуць спрыяць паспяховаму выступленню і на Паралімпійскіх гульнях. А ўпэўненасць у тым, што нашы атлеты будуць дапушчаны да Паралімпіяды, ёсць. Аб гэтым распавёў кіраўнік Паралімпійскага камітэта Алег Шэпель. На стадыёне "Дынама", дзе канкурэнцыю беларусам склалі наймацнейшыя расійскія спартсмены, нашы хлопцы змаглі абнавіць некалькі рэкордаў краіны. Беларусы працягваюць актыўную падрыхтоўку да спаборніцтваў і гатовы ў выпадку вяртання на міжнародную арэну выступіць на максімуме сваіх магчымасцяў.

Найбліжэйшы разгляд пытання допуску атлетаў будзе ў канцы верасня гэтага года на генеральнай асамблеі Міжнароднага паралімпійскага камітэта ў Бахрэйне.