Чэмпіянат Еўропы па велатрэку ў Мінску адменены

Чэмпіянат Еўропы па велатрэку, які павінен быў прайсці ў Мінску ў чэрвені, адменены. Прычына - міжнародная сітуацыя. Пры гэтым на сайце кантынентальнай федэрацыі з'явілася паведамленне, у якім прэзідэнт Еўрапейскага саюза веласіпедыстаў Энрыка Дэла Каса падзякаваў беларускаму боку і асабіста Наталлі Цылінскай за намаганні па падрыхтоўцы мерапрыемства і важныя ініцыятывы па развіцці веласпорту ў нашай краіне.