Чэмпіянат свету па рынга праходзіць у спартыўным комплексе Стайкі

Гэта адносна маладая гульня з'явілася ў Польшчы напрыканцы 50-ых. У Беларусі ўпершыню ёй зацікавіліся ў пачатку двухтысячных. Яна падобная да піянер-бола, аднак замест мячыка гульцы кідаюць гумавае кальцо. Паспаборнічаць з майстэрствам, хуткасцю і каардынацыяй нашых спартсменаў прыехалі каманды з Расіі, Літвы, Латвіі, Індыі, ПАР, ЗША.

Рынга даступная кожнаму. На спартыўнай пляцоўцы сустракаюцца гульцы нават розных узроставых катэгорый. Напрыклад, першае месца сярод дарослых ў адной з дысцыплін чэмпіянату заняў 10-класнік.