"Дынама-Мінск" правядзе матч у адказ кваліфікацыі Лігі чэмпіёнаў УЕФА

"Дынама-Мінск" правядзе кваліфікацыйны паядынак у адказ у самым прэстыжным клубным футбольным турніры кантынента - Лізе чэмпіёнаў. На полі ў Ерэване бела-сінія зноў сустрэнуцца з "Пюнікам" з Арменіі.

Нагадаем, стартавая сустрэча каманд завяршылася безгалявой нічыёй, але пры гульнявой перавазе дынамаўцаў.

Ці ўдасца мінчанам рэалізаваць яе ў другім матчы? Прамую трансляцыю паядынку 16 ліпеня правядзе тэлеканал "Беларусь 5". Пачатак а 19-й гадзіне.