Сяброўскі турнір сярод юных зорак прайшоў на лядовай арэне

Матч зорак і юных абаронцаў лядовых арэн. Хакейны турнір у Мінску аб'яднаў спартсменаў, якім няма і дзесяці гадоў. Пляцоўкай для яркіх баталій стаў не традыцыйны крыты палац, а лядовая прастора на свежым паветры пад дахам Palova Arena. У турніры прынялі ўдзел 8 каманд, іх падзялілі на 2 падгрупы. Каб здабыць перамогу, кожная дружына выходзіла на лёд тройчы. Хакейны марафон прайшоў ва ўтульнай атмасферы, сярод балельшчыкаў сем’і юных спартсменаў. Гэта першая спроба такога фармату для хакейнага першынства. У планах заахвоціць да ўдзелу ў спартыўным свяце і ветэранаў хакейнага руху Беларусі.

Акрамя юнакоў, усё больш хакеем цікавяцца і дзяўчынкі. З мінулага года пры школе "Дынама-Джуніверс" пачалі фарміраваць жаночыя каманды, а таксама ладзіць змяшаныя турніры. Правілы ў такіх спаборніцтвах больш мяккія, чым у вялікім спорце, а вось эмоцыі лядовых баталій такія ж захапляльныя.