Турнір памяці Аляксандра Мядзведзя прымае мінскі Палац спорту

Тытулаваныя спартсмены і маладыя зоркі вольнай барацьбы. Міжнародны турнір памяці Аляксандра Мядзведзя прымае мінскі Палац спорту. У беларускую сталіцу з'ехаліся прадстаўнікі Балгарыі, Бахрэйна, Казахстана, Расіі і многія іншыя.

Міжнародны турнір упершыню праходзіць без Аляксандра Мядзведзя - легендарнага вольніка. Аляксандр Васільевіч пайшоў з жыцця 2 верасня гэтага года. Атлет - трохразовы алімпійскі чэмпіён, адзін з самых тытулаваных вольнікаў у гісторыі барацьбы.