Ягор Герасімаў змагаецца за тытул турніру ў Пуні

Ягор Герасімаў у гэтыя хвіліны змагаецца за тытул пераможца турніру АТР у Пуні - прызавы фонд ледзь больш за паўмільёна долараў. У саперніках у першай ракеткі Беларусі крыўднік Ільі Івашкі - чэх Іржы Веселы, які займае 107 радок сусветнага рэйтынгу. Дарэчы, летась гэтыя тэнісісты ўжо перасякаліся на корце, і тады перамога дасталася беларусу. Пры любым выніку гэтага паядынку ў панядзелак у абноўленым рэйтынгу АТР Герасімаў паднімецца на рэкордную для сябе пазіцыю. Яшчэ адзін наш тэнісіст Андрэй Васілеўскі ў пары з Джонатанам Эрліхам тут жа, у Пуні, саступілі ў фінале шведу Андрэ Гарасану і інданезійцу Крыстаферу Рунгкату 2:6, 6:3, 8:10.