Футбольны клуб "Дынама-Мінск" стартуе ў кваліфікацыі Лігі чэмпіёнаў

Мінскае "Дынама" першым з беларускіх клубаў стартуе ў кваліфікацыі еўракубкаў. Ужо сёння лепшая каманда краіны пачне адбор у самым прэстыжным клубным турніры кантынента - Лігі чэмпіёнаў, дзе апошні раз "бела-сінія" выступалі 20 гадоў таму! У саперніках у беларусаў - "Пюнік" з Арменіі. Намінальна хатні матч калектыў Вадзіма Скрыпчанкі правядзе ў Венгрыі, тут з панядзелка мінчане і рыхтаваліся да паядынку. У прамым эфіры матч пакажа тэлеканал "Беларусь 5". А разам з гледачамі за займальнай сустрэчай будзе назіраць каментатар Фёдар Прошкін.

Стартавы свісток на стадыёне "Гарадскі" ў венгерскім Мезёкёвешдзе прагучыць у 21:45, прамая трансляцыя на тэлеканале "Беларусь 5" пачнецца на пяць хвілін раней. Сустрэча ў адказ пройдзе 16 ліпеня ў Арменіі.