Генадзь Савілаў змяніў Сямёна Шапіру на пасадзе кіраўніка федэрацыі хакея

Вяртанне ў элітны дывізіён чэмпіянату свету і выхад на хакейны турнір Алімпійскіх гульняў 2022 года ў Пекіне. Менавіта такія задачы агучыў у эксклюзіўным інтэрв'ю Агенцтву тэленавін новы старшыня Федэрацыі хакея Беларусі Генадзь Савілаў. Нагадаем, сёння ён быў абраны аднагалосна, а ў адстаўку пайшоў Сямён Шапіра. Савілаву 42 гады, раней ён выступаў за зборную Беларусі.

Сямён Шапіра займаў пасаду кіраўніка федэрацыі ледзь больш за год. Нагадаем, у маі нацыянальная зборная Беларусі ўпершыню за 15 гадоў страціла прапіску ў элітным дывізіёне чэмпіянату свету.