Харватыя - Францыя. Каму дастанецца галоўны футбольны трафей чэмпіянату свету?

Хто возьме галоўны футбольны трафей у рукі? Сёння ў Маскве адбудзецца фінальны матч мундыялю. Харваты, якія прабіліся ў вырашальнае спаборніцтва ўпершыню ў гісторыі, згуляюць са зборнай Францыі, якія тытул чэмпіёна свету выйгравалі 20 гадоў таму. На фінальным паядынку і цырымоніі закрыцця чэмпіянату свету будзе прысутнічаць Прэзідэнт Беларусі. Аляксандр Лукашэнка па запрашэнні Прэзідэнта Расіі Уладзіміра Пуціна наведае Маскву. Многія яшчэ спадзяюцца купіць білет на фінал і з раніцы займаюць чэргі ў касы. Колькі каштуе сёння білецік на чорным рынку? Колькі турыстаў пабывала ў Расіі падчас сусветнага першынства? І колькі патрачана дзяржаўных грошай на мундыяль?

Вынікі чэмпіянату свету падвяла Дар'я Белавусава-Пятроўская. Кожныя паўгадзіны валанцёры паведамляюць нярадасную інфармацыю. Тым не менш чарга ля афіцыйных кас продажаў білетаў FIFA толькі расце. У надзеі трапіць на фінальны матч ЧС-2018 фанаты футбола гатовыя стаяць гадзінамі.

Гэты чэмпіянат свету аказаўся не па зубах многім фаварытам. Да паўфіналу не дайшлі ні Іспанія, ні Аргенціна і Уругвай, ні Германія, ні нават пяціразовы чэмпіён свету - Бразілія.

Затое нечакана для ўсіх праявіла сябе зборная Расіі. Воля да перамогі, згуртаванасць каманды і неверагодная падтрымка балельшчыкаў стварылі цуд. Упершыню ў гісторыі Расія выйшла ў чвэрцьфінал сусветнага першынства.

На матчы чэмпіянату свету ў Расіі была набыта рэкордная колькасць білетаў - толькі праз афіцыйны сайт FIFA каля 3 мільёнаў. За месяц мундыялю краіну наведаў больш за мільён замежных турыстаў. Білі рэкорды па наведвальнасці і спецыяльна арганізаваныя фанзоны для балельшчыкаў - 7 мільёнаў чалавек.

Фінал чэмпіянату свету - 2018 адбудзецца ў Маскве на стадыёне "Лужнікі". На полі сустрэнуцца даўнія сапернікі. У 1998 годзе зборная Харватыі прайграла Францыі, заняўшы 3 месца. Французы тады сталі чэмпіёнамі свету. Хто на гэты раз акажацца больш моцны і ўдачлівы і ўзніме над галавой залаты кубак мундыялю, даведаемся ўжо сёння вечарам.