Камісія Міжнароднага саюза біятланістаў дала ацэнку цэнтру "Раўбічы"

Рэспубліканскі цэнтр алімпійскай падрыхтоўкі па зімовых відах спорту "Раўбічы" будзе гатовы на сто працэнтаў да правядзення чэмпіянату Еўропы па біятлоне. Такую ацэнку дае інспекцыйная камісія Міжнароднага саюза біятланістаў, якая трэці дзень знаходзіцца ў Беларусі. У праграме візіту камісіі - абмеркаванне лагістыкі, умоў пражывання ўдзельнікаў, транспартныя зносіны, бяспека, праца прэс-службы і сустрэчы з групай, у якую ўвайшлі прадстаўнікі Беларускай федэрацыі біятлона і арганізацый, што будуць задзейнічаныя пры правядзенні спаборніцтваў.

Нагадаем, чэмпіянат Еўропы па біятлоне пройдзе ў Беларусі ў Раўбічах з 18 па 24 лютага 2019 года.