Неба над Мінскам адкрылі для лепшых авіятараў планеты

Сёння неба над Мінскам адкрылі для лепшых авіятараў планеты.

Амаль чатыры дзясяткі экіпажаў на працягу тыдня пазмагаюцца за званне чэмпіёна свету па верталётным спорце. Цырымонія адкрыцця сусветнага першынства пачынаецца ў гэтыя хвіліны ў Ліпках. Урачысты старт спаборніцтвам вырашана было даць на абноўленым аэрадроме, каб спартсмены з усяго свету змаглі ўбачыць, якая ўвага надаецца ў краіне развіццю авіяцыі. Паветраныя баталіі разгорнуцца ў небе над Баравой. Наймацнейшыя экіпажы пазмагаюцца ў выхадныя. Па традыцыі самымі відовішчнымі спаборніцтвамі стануць верталётныя гонкі і спаборніцтвы парашутыстаў.

Паветраныя баталіі ў выхадныя працягне авіяфэст #ПраНеба, пасля чаго завершыцца паўвекавая гісторыя аэрадрома. Аэраклуб і музей пераедуць у Ліпкі.