Зваротны адлік да II Гульняў краін СНД запушчаны

Запушчаны зваротны адлік да старту II Гульняў краін СНД. 5 ліпеня сімвалічную кнопку каля Палаца спорту ў Мінску націснулі прызёры Алімпійскіх гульняў Іван Ціхан, Анастасія Пракапенка, Ванеса Каладзінская і Дар'я Навумава. Пасля адбылася прэзентацыя ўзнагарод галоўнага летняга форуму.

Акрамя таго, паказалі форму беларускіх спартсменаў і карту госця - спецыяльны атрыбут для турыстаў, якія наведаюць Гульні краін СНД сёлета ў жніўні.

"II Гульні краін СНД пройдуць з 4 па 14 жніўня. Будзе 21 спартыўны аб'ект, 20 відаў спорту, - нагадаў Сяргей Кавальчук, міністр спорту і турызму Беларусі. - Больш за 20 краін пацвердзілі свой удзел у спаборніцтве. Мы з нецярплівасцю будзем чакаць!"