Агляд галоўных спартыўных падзей - у рубрыцы "Матчбол" | 02.09.2024

Тыдзень з 26 жніўня па 1 верасня атрымаўся насычаным на спартыўныя падзеі: адразу ў некалькіх гульнявых відах былі разыграныя першыя трафеі ў сезоне. Так, аматары гандбола даведаліся, якая жаночая каманда стала ўладальнікам Суперкубка Беларусі, у хакеі выявілі наймацнейшага ў розыгрышы Кубка Руслана Салея, а чэмпіянат краіны па футболе выходзіць на завяршальную трэць. Усе падрабязнасці ў рубрыцы "Матчбол".

Дзве трэці першынства Беларусі па футболе ўжо мінулі. Па выніках дваццаці тураў вызначылася тройка лідараў. За ўзнагароды спрачаюцца "Нёман", "Тарпеда-БелАЗ" і мінскае "Дынама". Пакуль на першых радках табліцы клуб з Гродна, але ў сталічных ёсць некалькі сустрэч у запасе.

"Нёман" быў мацнейшы за "Віцебск" - 1:0 на выезде. Зараз жоўта-зялёныя на 4 балы апярэджваюць "аўтазаводцаў" і на 8 - "Дынама". Але у мінчан чатыры гульні ў запасе.

Між тым БАТЭ пад кіраўніцтвам Івана Мігаля, які зараз выконвае абавязкі галоўнага трэнера, разышоўся мірам з "Дняпром" у Магілёве - 1:1.

Хахейнае сталічнае "Юнацтва" ўпершыню за пять гадоў заваявала Кубак Руслана Салея. Гэта першы трафей у клубе для новага настаўніка - Сяргея Стася. У вырашальнай сустрэчы мінчане адолелі салігорскі "Шахцёр" 4:3.

Гаспадары лёду, дарэчы, нязменна забіралі кубак два гады запар, аднак у дамашнім "Фінале чатырох" сталі толькі чацвёртымі, саступіўшы бронзу "Хіміку". 4:2 на карысць навапалачан.

Гандбалісткі "БНТУ-БелАЗ" упершыню ў сваёй гісторыі выйгралі Суперкубак Беларусі. Трафей разыгрываецца трэці раз і дагэтуль двойчы нязменна адпраўляўся на поўдзень краіны з камандай "Гомель". Але ў вырашальнай сустрэчы ў Маладзечне на гэты раз у самым канцы дзяўчаты Канстанціна Шараварава вырвалі перамогу - 28:27.

Адзначым, што раней каманда "БНТУ-БелАЗ" таксама выйграла чэмпіянат Беларусі і Кубак краіны.

Шмат падзей чакае аматараў спорту на гэтым тыдні. Так, 5 верасня мінскае "Дынама" дамашняйсустрэчай з "Амурам" стартуе ў новым розыгрышы Кантынентальнай хакейнай лігі, нацыянальная зборная па футболе - у розыгрышы Лігі нацый. Таксама ў гэты дзень адбудзецца сустрэча з Балгарыяй, а 8-га - з Люксембургам. А біятланісты выступяць на першым этапе Кубка Садружнасці - летнім - у Краснаярску.