Агляд галоўных спартыўных падзей - у рубрыцы "Матчбол" | 11.03.2024

Валейбольная "Мінчанка", на жаль, саступіла ў Калінінградзе мясцоваму "Лакаматыву" ў рамках расійскай Суперлігі, 0:3.

Цяпер каманда рыхтуецца да хатняй гульні супраць саратаўскага "Пратона". А вось хакейнае "Дынама" наадварот перамагае. Падрабязнасці ў рубрыцы "Матчбол".

Хакей на гэтым тыдні ў авангардзе спартыўных падзей. Мінскае "Дынама" перамагае маскоўскае напярэдадні і вяртае серыю плэй-оф Кубка Гагарына ў Мінск.

У пятым матчы супрацьстаяння 1/8 фіналу лік адкрылі гаспадары ўжо ў першым перыядзе - Петухоў вылучыўся. Доўга гледачы чакалі наступнай шайбы ў гэтай сустрэчы, убачылі яе ў трэцім адрэзку сустрэчы. Мароз аднавіў раўнавагу, толькі ў другім авертайме кропку ў матчы паставіў Нік Мёрклі. 2:1 - беларусы мацнейшыя.

Такім чынам ужо 12 сакавіка пройдзе шостая гульня серыі, пачатак сустрэчы на "Мінск-Арэне" ў 19:30.

Паралельна ў нашай краіне стартаваў розыгрыш Кубка Прэзідэнта. Сталічнае "Юнацтва" не пакінула шанцаў дзеючаму чэмпіёну - "Металургу". У першай гульні серыі мінчане на "Чыжоўка-Арэне" былі мацнейшыя (4:1).

Салігорскі "Шахцёр" у першым матчы сваёй серыі (2:1)перамог "Хімік". "Нёман" дома саступіў "Гомелю" (2:5), а "Віцебск" перамог з такім жа лікам "Брэст".

Без сенсацый завяршыліся гульні 1/4 фіналу футбольнага Кубка Беларусі. "Тарпеда" па суме двух матчаў (2:1) перамагае "Шахцёр", "Іслач" - (4:3) "Віцебск", "Нёман" - (3:0) "Мінск". Толькі параБАТЭ - мінскае "Дынама" вызначыла лепшага ў серыі пенальці. Больш дакладнымі аказаліся футбалісты сталіцы (5:4). У паўфінале сапернікам каманды Вадзіма Скрыпчанкі стане "Нёман", а "Іслач" згуляе з клубам з Жодзіна.

На гэтым тыдні ўвазе балельшчыкаў шмат хакея: гульні плэй-оф Экстралігі і супрацьстаянне мінскага "Дынама" і маскоўскага ў Кубку Гагарына. Паралельна цікавімся гандбольнай Суперсерыяй паміж зборнымі Беларусі і Расіі.