Пад Мінскам стартавала планетарнае авіяпершынство

У гэтыя дні ў Беларусі пішуць гісторыю сусветнага верталётнага спорту. Сёння пад Мінскам стартавала планетарнае авіяпершынство. Удзельнічаюць амаль чатыры дзясяткі экіпажаў з розных краін. Гэта лепшыя авіятары - абсалютныя чэмпіёны свету і Еўропы, легенды авіяцыйнага спорту. І некалькі гадзін таму беларусы ўзялі першае золата чэмпіянату. Наш тандэм стаў самым дакладным і самым хуткім з 11 экіпажаў у развозцы грузаў. У гэтых жа спаборніцтвах мы ўзялі яшчэ і бронзу. Віншуем! Малайцы! Маштабныя паветраныя баталіі разгортваюцца ў небе на Баравой. І, па сутнасці, гэта кульмінацыя паўвекавой гісторыі аэрадрома. Новую авіястаронку пачнуць пісаць ужо ў Ліпках. Тут не так даўно завяршылася рэканструкцыя, і некалі ваенны аэрадром ператварыўся ў адну з самых сучасных авіяцыйных пляцовак у Еўропе. Менавіта ў Ліпках правялі ўрачыстую цырымонію адкрыцця першынства, каб спартсмены з усяго свету змаглі ўбачыць на свае вочы, якая ўвага надаецца ў краіне развіццю авіяцыі. Падрабязнасці першага дня чэмпіянату ў Веранікі Буты (відэа).