Падрыхтоўка да ІІ Еўрапейскіх гульняў ідзе поўным ходам

Паказаць Беларусь Еўропе ва ўсёй красе - як мэта, а ІІ Еўрапейскія гульні - як магчымасць яе дасягнення.

Падрыхтоўка да спартыўнага форуму ідзе поўным ходам, аб яе працэсе сёння дырэкцыя турніру дала справаздачу прадстаўнікам каардынацыйнай камісіі Еўрапейскіх алімпійскіх камітэтаў. Спартыўныя функцыянеры засталіся задаволены тэмпамі і адзначылі, што нават за апошнія тры тыдні зроблена нямала.

Пры гэтым члены камісіі звярнулі ўвагу на неабходнасць папулярызацыі Беларусі як турыстычнай краіны. Сёння адна з галоўных задач - завабіць як мага больш турыстаў.

Апошнім часам дырэкцыя Еўрапейскіх гульняў значна дадала ў штаце, што дапамагло закрыць усе асноўныя функцыянальныя напрамкі. А хутка аперацыйныя каманды будуць сфарміраваныя на кожным аб'екце турніру.