Падводзім вынікі 4-га этапу Кубка Беларускай федэрацыі біятлона

На адной з самых высакакласных лыжных трас краіны ў Гарадку Віцебскай вобласці сёння завяршаецца чацвёрты этап Кубка Беларускай федэрацыі біятлона. Спаборніцтва стала ўнікальным для дзіцяча-юнацкага спорту. Бо фармат гонак праходзіць абсалютна па тых жа канонах, што і дарослыя старты на кубках або чэмпіянатах свету. Рэгламент, трансляцыя ў інтэрнэце, флэш-інтэрв'ю, цырымоніі ўзнагароджання. Драйву ўдзельнікам дадае падтрымка балельшчыкаў. У заключны дзень стартаў адбыліся непрадказальныя змяшаныя эстафеты і дынамічныя гонкі праследавання.

Наступны, пяты, этап Кубка Беларускай федэрацыі біятлона адбудзецца ў сакавіку таксама на лыжнай трасе ў Гарадку Віцебскай вобласці.