Раян Лохтэ дыскваліфікаваны за парушэнне антыдопінгавых правіл

Алімпійскі чэмпіён Раян Лохтэ дыскваліфікаваны на 14 месяцаў за парушэнне антыдопінгавых правіл. У маі гэтага года ён выклаў у сацыяльныя сеткі фатаграфію, на якой відаць, як яму ўводзяць унутрывенную ін'екцыю. Здымкам зацікавілася амерыканскае антыдопінгавае агенцтва. Пазней высветлілася - Лохтэ ўводзілі дазволены прэпарат у прыватнай клініцы, але аб'ём ін'екцыі склаў больш за 100 мл, што дапускаецца толькі пры наяўнасці тэрапеўтычнага выключэння. Лохтэ яго не меў.