Рубрыка "Матчбол" пра галоўныя спартыўныя падзеі тыдня

Баскетбольны клуб "Мінск" - чэмпіён Беларусі. Каманда Аляксея Сухавецкага 3:1 у фінальнай серыі перамагла "Гродна-93". Шаснаццаты раз запар мінчане становяцца лепшай камандай краіны. Падрабязнасці ў рубрыцы "Матчбол".

Футбол на тыдні з 27 мая па 2 чэрвеня ў авангардзе спартыўных падзей.

Мінскае "Дынама" не здолела перайграць "Славію" ў Мазыры, а вось жодзінскае "Тарпеда" перамагло брэсцкае "Дынама". Гаворка ідзе пра 10-ты тур першынства Беларусі. Каманда Івана Біёнчыка саступала тры гульні запар, аднак у матчы супраць мінчан здолела заваяваць 1 бал. На гол Дземчанкі дакладным ударам адказаў Шэмрук. 1:1 вынік сустрэчы.

Сталічны клуб на дадзены момант займае трэцяе месца, а "Славія" пакуль пятая. Жодзінскае "Тарпеда" завітала ў госці ў Брэст і ў не менш прынцыповым паядынку перамагло мясцовае "Дынама" 1:0. Дзякуючы гэтай вікторыі каманда Дзмітрыя Молаша выходзіць на першае месца ў турнірнай табліцы чэмпіянату.

"Нёман" з Гродна перамог у фінале Кубка краіны, які, дарэчы, прайшоў у Жодзіне. "Іслач" з Мінскай вобласці змагалася з камандай Ігара Кавалевіча і на засмучэнне прыхільнікаў саступіла 0:2. Зубовіч і Савіцкі забілі па голе і прынеслі вікторыю жоўта-зялёным - 2:0.

Адзначым, клуб з Гродна другі раз у гісторыі заваяваў Кубак Беларусі.

Баскетбольны клуб "Мінск" усё ж заваяваў тытул чэмпіёна ў супрацьстаянні з камандай "Гродна-93". У чацвёртай гульні фінальнай серыі ў Лідзе каманда Аляксея Сухавецкага перагуляла дружыну Дзмітрыя Кузьміна 90:81, зрабіла лік у серыі 3:1 і такім чынам стала шаснаццаціразовым чэмпіёнам Беларусі.

На тыдні сочым за фіналам ганбольнага чэмпіянту Беларусі сярод жаночых каманд - у сераду, 29 мая, "БНТУ-БелАЗ" згуляе з "Гомелем". Паралельна цікавімся футбольным першынством краіны - мінскае "Дынама" сустрэнецца з "Арсеналам", таксама ўвазе прыхільнікаў спорту фінал гандбольнай СЕХА Лігі. Усе гэта на тэлеканалах Белтэлерадыёкампаніі.