Зборная Англіі па футболе выйшла ў фінал Еўра-2024

Зборная Англіі па футболе выйшла ў фінал чэмпіянату Еўропы другі раз запар і тытул кантынента аспрэчыць са зборнай Іспаніі. Напярэдадні родапачынальнікі гульні нумар адзін ужо ў дадатковы час змаглі даціснуць няўступлівых галандцаў - 2:1. Більярдавы ўдар нанёс Олі Уоткінс з перадачы Коўла Палмера. Нягледзячы на крытыку, Гарэт Саўтгейт вывеў зборную ў фінал, які адбудзецца 14 ліпеня на берлінскім "Алімпіяштадыёне". Іспанія раней перамагла французаў.