Зборная Беларусі атрымала першую перамогу на чэмпіянаце свету па хакеі

Гістарычная перамога зборнай Беларусі па хакеі. На чэмпіянаце свету наша зборная выйграла ў шведаў. Паядынак у Рызе завяршыўся з мінімальным лікам 1:0. Апошні раз беларусы асільвалі шведаў на топ-турнірах 19 гадоў назад на Алімпійскіх гульнях 2002 года ў Солт-Лэйк-Сіці. Адзіную і пераможную шайбу ў самым пачатку трэцяга перыяду закінуў Герман Несцераў.

Гэта перамога над шведамі стала першай для беларусаў менавіта на чэмпіянатах свету. Ужо заўтра каманда Міхаіла Захарава зноў выйдзе на лёд, каб пазмагацца з чэхамі, якія на бягучым турніры пацярпелі два паражэнні. Пачатак сустрэчы ў 20:15. Прамая трансляцыя на "Беларусь 5".