"Славянскі забег" і "Фэставы хіт". Пераможцы святочнага Віцебска

Галоўная інтрыга "Славянскага базару" вырашыцца ўжо сёння. Увечары па выніках другога дня фіналу стане вядомы пераможца Міжнароднага конкурсу выканаўцаў эстраднай песні "Віцебск-2018". У першы дзень выступленне нашага Яўгена Курчыча журы ацаніла ў 77 балаў. Гэта вышэйшая адзнака.

А пакуль канкурсанты рыхтуюцца да выступлення, на форуме бурляць спартыўныя страсці.

На сувязі са студыяй Марына Раманоўская.

Што за марафон сёння праходзіць у фэставым Віцебску? (прамое ўключэнне)

Дзень добры. Сёння ў Віцебску праходзіць "Славянскі забег". Ён аб'яднаў тысячы аматараў бегу. Самыя юныя ўдзельнікі - ім па пяць гадоў - бягуць 300 метраў. А вось шматлікія дарослыя сёння пераадольваюць 21 кіламетр.

Актыўна падтрымліваюць "Славянскі забег" і людзі з абмежаванымі магчымасцямі. Пабіць свой асабісты рэкорд плануе і Аляксей Талай. Ён упершыню пераадольвае паўмарафонскую дыстанцыю.

Стартуюць і фінішуюць удзельнікі забегу на галоўнай плошчы Віцебска. Маршрут пралягае па цэнтры горада. Сёлета ў забегу ўдзельнічаюць 3 тысячы чалавек. Каб стаць часткай вялікага спартыўнага свята, шматлікія пераадолелі шлях за сотні кіламетраў.

Свая група падтрымкі ёсць ва ўдзельнікаў Міжнароднага конкурсу выканаўцаў эстраднай песні "Віцебск-2018". Пахварэць за Яўгена Курчыча прыехалі і яго студэнты. Яўген выкладае ў Беларускім дзяржаўным універсітэце культуры і мастацтва. "Крык птушкі" ў выкананні беларускага ўдзельніка журы ацаніла ў 77 балаў. Столькі ж у Польшчы і Казахстана. І гэта лепшы вынік першага дня фіналу.

Увечары канкурсанты праспяваюць "Фэставы хіт". Яўген Курчыч выканае песню з рэпертуара групы Aerosmith.

Віцебск не спіць увесь тыдзень. Сёння чарговы начны канцэрт. Упершыню на сцэне Летняга амфітэатра з сольнай праграмай выступіць Цімаці.