Тэлеканал "Беларусь 5" рыхтуецца адзначыць першы юбілей

Пяцігоддзе галоўны спартыўны канал краіны адсвяткуе ў кастрычніку. І ў гэты сезон уступае з новымі праектамі. Адзін з іх - другі сезон шоу "Пара па парах", першы выпуск якога адбудзецца 9 верасня на пятай кнопцы. Андрэй Казлоў аб тэхнічных і творчых акцэнтах гэтага праекта, а таксама аб планах "Беларусь 5" на новы сезон.

Менавіта так выглядае за кулісамі фактычна любы праект "Беларусь 5". Творчая група галоўнага спартыўнага канала краіны працуе як на пляцоўцы, так і ў перасоўных тэлестудыях. У гэтыя хвіліны здымалі другі сезон праекта "Пара па парах".

І калі трапляеш у самае сэрца дзейства, то разумееш, што тут усё куды больш кампактна, чым у эфіры тэлеканала "Беларусь 5". Па-першае, паркет, на якім спаборнічаюць танцоры, знаходзіцца за два метры ад залы гледачоў. Пакуль тут перапынак, але праз 10 хвілін памяняецца абсалютна ўсё.

Фармат традыцыйны для падобных шоу. Танцавальныя пары спаборнічаюць паміж сабою за права стаць лепшымі, у тым ліку па пэўных кірунках. У крэслах журы вядомыя беларусы, якія звяртаюць увагу не толькі на тэхнічнае выкананне, але і, вядома, на артыстызм.

Усяго адбудуцца чатыры выпускі праекта "Пара па парах", і ўсе яны будуць разбітыя па пэўных танцавальных кірунках. Кожную нядзелю з 9 верасня. Вальс, джайв, квікстэп і румба. Паўторы - у ранішнім эфіры на наступны дзень. А ўжо ў кастрычніку ў Мінску адбудзецца чэмпіянат свету сярод прафесіяналаў па шматборстве.

У кастрычніку "Беларусь 5" адсвяткуе пяцігоддзе - свой першы юбілей. І ўжо ў гэтым сезоне ў эфірнай сетцы тэлеканала вы ўбачыце новыя праекты. Асаблівасцю стане тое, што глядач пасродкам выязных студый стане нашмат бліжэйшы да спартыўнай падзеі, знаходзячыся ля тэлеэкрана.

"У новым сезоне "Беларусь 5" парадуе гледачоў. Мы запускаем новую праграму - тэнісную. "Матч-пойнт". І будзе яна звязаная з поспехам нашых дзяўчат на ВТА і турнірах "Вялікага шлема". На шматлікіх спартыўных арэнах з'явяцца студыі тэлеканала "Беларусь 5". І галоўны сюрпрыз мы падрыхтавалі да свайго пяцігоддзя. Гэта будзе грандыёзна і цікава".

Перамог у новым сезоне ў беларускім спорце будзе яшчэ больш. Кожны можа стаць іх сведкай разам з тэлеканалам "Беларусь 5".