Турнір па настольным тэнісе Special Olympics праходзіць у Брэсце

Спорт як спосаб сацыялізацыі дзяцей з асаблівасцямі псіхафізічнага развіцця. Сёння ў Брэсце прайшоў турнір па настольным тэнісе. Больш за 50 дзяцей з розных рэгіёнаў краіны - Васілішкі, Улукоўе, Бараўляны, Рудзенск, Брэсцкая вобласць - удзельнічалі ў спаборніцтвах. Гэта 5 каманд са школ-інтэрнатаў, якія трэніруюцца па ўнікальнай праграме SpecialOlympics. Спартсмены розных узроставых груп спаборнічалі ў некалькіх дывізіёнах. Галоўны прынцып турніру - тут няма тых, хто прайграў. Усе ўдзельнікі атрымалі ўзнагароды ад арганізатараў. Гэта дае стымул для далейшых трэніровак.

Дзяцей яшчэ чакае экскурсія ў мемарыяльны комплекс "Брэсцкая крэпасць-герой". Ужо ў наступным месяцы ў рамках праекта SpecialOlympics і пры падтрымцы Прэзідэнцкага спартыўнага клуба пройдуць міжнародныя спаборніцтвы па футболе ў Оршы, а яшчэ адкрыццё спартыўнай пляцоўкі па боча-спорце ў Гродзенскай вобласці.