У Брэсце стартуе чэмпіянат Беларусі па плаванні

У Брэсце стартуе чэмпіянат Рэспублікі Беларусь па плаванні. У галоўным турніры краіны бяруць удзел каманды з усіх абласцей і горада Мінска, а таксама зборныя замежных краін.

Па рэгламенце спаборніцтваў кожны спартсмен мае права ўдзельнічаць у неабмежаванай колькасці індывідуальных відаў праграмы і эстафетах. Прамую трансляцыю з заплываў пакажа тэлеканал "Беларусь 5". Пачатак ранішняй сесіі ў 10:00. Турнір для беларускіх плыўцоў з'яўляецца адборачным на чэмпіянат і першынство Расіі.