В. Дурноў: На Алімпіяду ў Токіа Беларусь плануе заваяваць больш чым 100 ліцэнзій

За два месяцы, што засталіся да Алімпіяды, беларускія спартсмены плануюць заваяваць яшчэ каля дваццаці ліцэнзій. Гэта заявіў першы намеснік міністра спорту і турызму Вячаслаў Дурноў на прэс-канферэнцыі, прысвечанай Дню работнікаў фізічнай культуры і спорту. Свята адзначаюць сёння. Дарэчы, нашы атлеты ўжо заваявалі 85 алімпійскіх ліцэнзій у 16 відах спорту па 79 праграмах. Больш за ўсё пропускаў у Токіа ў лёгкаатлетаў і весляроў.

Ужо дакладна вядома, што не будзе на Алімпіядзе беларускіх прадстаўнікоў гульнявых відаў спорту. Адзіны шанц застаецца ў баскетбола 3 на 3. Да Паралімпіяды рыхтуюцца 28 беларускіх атлетаў у 7 відах спорту.