3.69 BYN
2.99 BYN
3.46 BYN
У панядзелак Аляксандра Сасновіч стане першай ракеткай Беларусі
Аляксандра Сасновіч сёння ў найскладанейшым трохсетавым паядынку ўсё ж саступае ў паўфінальным матчы "Москау Рывер Кап", але ўжо ў панядзелак Саша стане першай ракеткай Беларусі.
У адной другой турніру катэгорыі "Інтэрнешнл" з прызавым фондам 750 000 долараў саперніцай Аляксандры была юная прадстаўніца Сербіі Вольга Данілавіч. Нягледзячы на свой невысокі рэйтынг - а 17-гадовая тэнісістка пакуль 187-я ракетка свету, Вольга паслядоўна ў двух сэтах абгуляла і куды больш вопытных: Ганну-Каралін Шмідлаву, Каю Канепі і нават дзясятую ракетку свету Юлію Гёргес. Супрацьстаянне з беларускай склалася нашмат больш упартым, Саша саступіла ў першым сэце 2:6, чарговы раз выказала свой байцоўскі характар, выйграла ў другім сэце 7:5, а, саступаючы ў трэцім 2:5, здолела вярнуцца ў гульню і зраўняць лічбы на табло 5:5.
Шкада, на большае сіл не хапіла, Аляксандра прайграла два наступныя геймы і завяршыла выступленне на турніры. Дзякуючы выхаду ў паўфінал спаборніцтваў у Маскве беларуска ў абноўленым рэйтынгу ВТА ў панядзелак паднімецца на 7 пазіцый уверх, стане 35-й ракеткай свету і першай ракеткай Беларусі.