Уладзіслаў Ганчароў і Алег Рабцаў выйгралі золата ЧЕ па скачках на батуце ў Сочы

Алег Рабцаў - чэмпіён Еўропы па скачках на батуце. Кантынентальны форум завяршыўся сёння ў Сочы. Серабро турніру дасталася яшчэ аднаму беларусу - Уладзіславу Ганчарову. Сярод юніёраў на другую прыступку п'едэстала гонару ўзышоў Станіслаў Яскевіч. У сінхронных скачках чэмпіёнамі Старога Свету сталі Ганчароў і Рабцаў, серабро дасталася Кацярыне Яршовай і Вікторыі Куйдан. У юніёраў золата выйгралі Данііл Пшанко і Іван Мельнікаў, а таксама Марыя Сяргеева і Віялета Бардзілоўская. Акрамя таго, бронзу заваяваў Уладзіслаў Ласніцкі, які выступае на акрабатычнай дарожцы.