Вяртанне легендарнага стадыёна "Дынама" пасля рэканструкцыі

21 чэрвеня запусцілі зваротны адлік да ІІ Еўрапейскіх гульняў.

На працягу ўсяго эфірнага дня нашы калегі расказвалі, як Беларусь рыхтуецца прыняць найважнейшую спартыўную падзею кантынента.

Разам з усёй краінай і балельшчыкамі на нізкім старце і ўся Белтэлерадыёкампанія. Структуры медыяхолдынга распрацоўваюць сцэнарыі спецыяльных рэпартажаў, тэматычных праграм, прамых уключэнняў і эксклюзіўных інтэрв'ю. Папаўняецца і інвентарый! Каб вы не прапусцілі ніводнай эмоцыі, спецыяльна да спаборніцтваў у Мінск прыедуць 4 высокатэхналагічныя перасоўныя тэлевізійныя станцыі.

Вяртанне легендарнага стадыёна "Дынама" пасля рэканструкцыі. Столькі чакалі, і вось, нарэшце, здарылася! Пяць з паловай гадоў на паўзе - і зараз тут зноў можна праводзіць найбуйнейшыя міжнародныя спаборніцтвы! Найбліжэйшае з іх - ІІ Еўрапейскія гульні. Па даручэнні Прэзідэнта стадыён зрабілі самым сучасным, каб "Дынама" адпавядала статусу галоўнай пляцоўкі маючага адбыцца форуму.

Мабыць, кожны жыхар Беларусі мае сваю гісторыю, так або інакш, звязаную з "Дынама". Вось і Аляксандр Лукашэнка, выступаючы на ўрачыстай цырымоніі адкрыцця, прызнаўся: занадта шмат значыць гэты стадыён. Яго гістарычны воблік арэны захавалі спецыяльна для тых, хто на "Дынама" выступаў і перажываў на працягу васьмі дзясяткаў гадоў. Першых наведвальнікаў абноўленага "Дынама" чакала яркае шоу і футбольны матч з удзелам лепшых гульцоў чэмпіянату краіны. Сярод гледачоў быў і наш калега - спартыўны аглядальнік АТН Мікалай Стула. І ўжо зараз мы пераносімся з нашай радыёрубкі ў каментатарскую на "Дынама", і пачуем, як гучыць легенда! 

Стадыён "Дынама" вяртаецца. Унікальную для нашай краіны арэну пачалі абжываць з сярэдзіны тыдня. Каментатары вядуць прамыя рэпартажы, такіх каментатарскіх кабін тут больш за 140. А яшчэ ёсць ВІП-ложы, розныя офісы, раздзявальні, пульты кіравання святлом, гукам і мультымедыя. Усё гэта сканцэнтравана на заходняй трыбуне - тут 7 узроўняў. Але самае галоўнае адбываецца зараз там, у чашы стадыёна. Давайце паглядзім.

Іван Ціхан у ліпені адзначыць 42-і дзень нараджэння. Так склаўся яго спартыўны лёс, што першыя буйныя міжнародныя спаборніцтвы на тэрыторыі Беларусі, у якіх ён паўдзельнічаў, прайшлі ў мінулую суботу. Г. з. на пятым дзясятку гадоў. Чаму так склалася? Адказ просты - не было прыдатных стадыёнаў.

Юлія Несцярэнка на дарожку стадыёна "Дынама" выйшла ў яркай сукенцы і на абцасах. Аўтар, напэўна, самай маляўнічай перамогі беларускага спорту ў гісторыі ўжо не выступіць тут у якасці дзеючай атлеткі. У яе наогул не было буйных хатніх міжнародных стартаў. І ўжо не будзе - "белая маланка" завяршыла кар'еру. Таму раіць сваім паслядоўнікам - шануйце тое, што маеце.

Стадыён "Дынама" - галоўны сімвал беларускага спорту, але апошнія 6 гадоў давялося абыходзіцца без гэтай арэны. Асабліва пакутаваў футбол - усе міжнародныя матчы былі вынесеныя за МКАД.

Эдуард Малафееў у захапленні ад новага "Дынама". Легенда беларускага спорту не шкадуе эпітэтаў, каб выказаць сваё захапленне. Гэта для зусім юных беларусаў "Дынама" проста вялікі прыгожы стадыён. У пакалення Малафеева тут прайшло ўсё жыццё. Эдуард Васілевіч паляпвае па штанзе ў варотах - для форварда вялікая справа зрабіць іх сваімі союзніцамі, каб мяч ад стойкі ляцеў у сетку. І хоць Малафееў прыйшоў на інтэрв'ю з лёгкай прастудай, але на "Дынама" проста змяніўся на вачах.

"Дынама" з пункта погляду будаўнікоў - гэта новы стадыён. Ад старой добрай арэны засталася толькі вядомая гістарычная выява з аркадай. Гэтую сцяну ўсходняй трыбуны ўмацавалі і пакінулі - усё ж "Дынама" з'яўляецца помнікам архітэктуры. Дарэчы, шмат у чым з-за гэтага праекціроўшчыкі, архітэктары і будаўнікі не змаглі павялічыць ёмістасць. Сцены прыйлося б паднімаць уверх, змяніўся б.

Вось так на "Дынама" ўкладвалі газон. Прычым, і асноўнае поле, і разміначнае аднолькавых памераў - такое патрабаванне Міжнароднай федэрацыі лёгкай атлетыкі. Газон у рулонах прывезлі з Валгаградскай вобласці. Трава без праблем прыжылася, яе нават некалькі разоў касілі.

Лепш за іншых поле могуць адчуць футбалісты. Віталь Булыга - чалавек бывалы, пайграў на шматлікіх стадыёнах ад Мінска да Уладзівастока. Можа параўнаць.

Футбол і лёгкая атлетыка ўжо выпрабавалі магчымасці "Дынама". У захапленні не толькі спартсмены топ-узроўню, але і юніёры. Ганна Сабалеўская ў першай жа разміначнай спробе ўсталявала свой асабісты рэкорд - 5,46. Прызнаецца, што ў сектар для скачкоў ёй хочацца прыйсці зноў, таму што вынік расце на вачах.

Пасля таго як Прэзідэнт аддаў ключ ад "Дынама" ў рукі футбалістаў і лёгкаатлетаў, Аляксандр Лукашэнка запусціў таймер зваротнага адліку часу да II Еўрапейскіх гульняў, да якіх ужо менш за год. "Дынама" стане галоўнай арэнай форуму.