Зборная Беларусі па пляжным футболе згуляе супраць Чэхіі

Працягваем сачыць за выступленнем зборнай Беларусі па пляжным футболе ў Еўралізе. Каманда Нікаласа Альварада, якая на гэтым турніры выключна перамагае, пастараецца здабыць трэцюю вікторыю запар 20 ліпеня. Сапернік - зборная Чэхіі.

У прамым эфіры за гульнёй можна сачыць на тэлеканале "Беларусь 5", пачатак трансляцыі ў 16:50.

Нагадаем, гульні праходзяць у грузінскім Батумі.

Таксама стала вядома, што каманда Латвіі адмовілася гуляць супраць беларусаў. Матч павінен быў прайсці 25 ліпеня ў рамках другога этапу турніру. Там у саперніках у беларускай зборнай ёсць яшчэ Малдова і Швейцарыя.

Фота РІА Навіны